紙棺材先驅勁蝕200萬

「政府一定要扯頭纜,唔係肯定無得做!」 衞生福利及食物局常任秘書長尤曾家麗上月底到日本考察,建議香港引入廉宜、容易火化又環保的紙棺材,引起全城議論,但早於10年前已引入紙棺材到香港的奧 瑪仕主席張南中就一再批評港府後知後覺,同時指當年在香港連一張「柯打(定單)」都接不到,結果蝕掉兩百多萬元。張南中強調紙棺材其實符合平民要求,只是 業界為了自身利益,必定會像當年他引入紙棺材時一樣多加阻撓,因此政府和東華三院等一定要率先採用紙棺材,否則其他商人搞一定不會成功。 記者:蔡志郁  林浚川

殯儀業有殯儀業人士透露,「家本港殯儀業賣棺材係唔同人唔同價,話乜柳州木,有時幾百蚊,可以賣到幾萬蚊,最多只係油多幾浸油,做呢行就係咁啦。譬如話去世霍英東,聽講話佢副銅棺就買超過100萬,總之就係唔同人唔同價,任佢!」

促政府引入賣200元

張南中於1997年窺準時機,在東莞開廠設計和生產紙棺材,並向殯儀業界做了大量游說工作,希望業界引入,傾談了多次,結果在香港一宗生意都做不成,反而 賣過給廣州的殯儀館,但後來也因為「拖數」問題而做不下去,結果令他勁蝕200多萬,並關閉工廠。
歸究失敗原因,張南中說:「開唔到大數係最主要原因。我東莞做,一副紙棺材成本最平百零蚊,最貴都係二百幾蚊咋嘛,成本咁低,業界最多咪開價一、兩千蚊,貴極都有個譜,點開一萬?計我話政府可以引入紙棺材賣200蚊副,業界做靚咪賣三、四百蚊咯,咁就差唔多!」
殯儀業商會理事長吳耀棠坦言利潤微薄是業界抵制紙棺材的最主要原因,「如果真係100蚊一個,畀你賣到500蚊好未?賺盡都係賺幾百蚊……平個樣成個鞋盒咁,邊有人想先人個鞋盒度?有紙棺材係好靚,但價錢可能仲貴過木棺,咁做乜要紙棺?」吳耀棠斷言紙棺不論價低價高,都不可能受市場歡迎。

「焗過油」未必環保

公壽殯儀負責人駱敏儀則指出,許多外觀與實木棺材十分相似的紙棺材,在製作過程中使用了大量塗料,甚至「焗過油」,因此未必環保,價格也不一定較木棺便宜。但她同時強調,「我對引入紙棺材持開放態度,始終多一個產品,市民就會多一個選擇,市場係開放,我要迫都迫唔,所以我唔排除第日都會做紙棺材。」
據了解,政府可能引入紙棺材的消息傳出後,有業內人士已即時返回內地取經,準備明年初引入小量紙棺,試探市場反應。另一方面,食環署發言人承認數年前政府曾引入小量紙棺用作處理無人認領屍體,現時則以簡單的木棺處理。

轉載自:http://hk.apple.nextmedia.com/news/art/20061218/6630391

(254)